ՌԴ նախագահի մամուլի քարտուղար Դմիտրի Պեսկովը չի հստակեցրել Ռուսաստանի և Հայաստանի ղեկավարների առաջիկա հնարավոր հանդիպման մասին տեղեկությունները։

«Առայժմ, եկեք առաջ չընկնենք, որոշակի ծրագրեր են քննարկվում, մենք համապատասխան հայտարարություններ կանենք: Առայժմ դա վաղաժամ ենք համարում»,- լրագրողներին ասել է Պեսկովը՝ պատասխանելով հարցին՝ հաջորդ շաբաթ նախատեսվո՞ւմ է Պուտին-Փաշինյան հանդիպում։

Հիշեցնենք՝ Փաշինյանը երեկ հայտարարել է, որ հաջորդ շաբաթ Մոսկվա է մեկնելու։