«Հայաստան» խմբակցության պատգամավոր Արթուր Խաչատրյանը հետաքրքրվեց՝ ինչո՞ւ է Ռուբեն Ռուբինյանը մասնակցում բանակցությունների, որտեղ թուրքերը ոնց որ թե չկան:
«Արդյո՞ք ՀՀ իշխանությունները հայ-ադրբեջանական ու հայ-թուրքական հարաբերությունների «կարգավորումը» շաղկապում են իրար հետ, այսինքն՝ ենթարկվում են թուրքական հերթական նախապայմանին: Թուրքերը դեռ 1991-1992 թվականներից դա էին ասում, որ Հայաստան-Թուրքիա հարաբերությունները երբեք չեն կարող կարգավորվել, քանի դեռ չեն կարգավորվել Հայաստան-Ադրբեջան հարաբերությունները, դա պետք է հստակեցնենք», - նշեց Խաչատրյանը:
Ըստ նրա՝ կա մեկ տարբերակ էլ՝ երևի ԱԳՆ-ն չի կարողանում կարգավորել Հայաստան-Ադրբեջան հարաբերությունները, Ռուբեն Ռուբինյանն էլ, որպես նախկին ԱԳ փոխնախարար, լծվել է այդ գործին:/
«Մենք տեսնում ենք, որ հերթական անգամ Հայաստանի իշխանությունները ընկրկել են թուրքական պահանջների առջև», - հավելեց Արթուր Խաչատրյանը:
