Գրիգորի Խաչատուրովի նկատմամբ նորմալ իրավական պետությունում ընդհանրապես չէր կարող իրականացվդլ որևէ հետապնդում՝ այս պայմաններում։ Այս մասին լրագրողների հետ զրույցում ասաց փաստաբան Միհրան Պողոսյանը։
Հիշեցնենք, որ Գրիգորի Խաչատուրովը մեղադրվում է ԱԱԾ-ում քննվող՝ Սեյրան Օհանյանին առնչվող քրեական վարույթի շրջանակներում: Նրա նկատմամբ քրեական հետապնդում է հարուցվել՝ պաշտոնեական դիրքի օգտագործմամբ հանցավոր ճանապարհով ձեռք բերված առանձնապես խոշոր չափերով անշարժ գույքն օրինականացնելու (փողերի լվացում) հատկանիշներով:
Նկատենք, որ ըստ դատախազության, գործարքի առարկան չգործող զորամասի տարածքն է, որը պաշտպանության նախարար Սեյրան Օհանյանի պաշտոնավարման տարիներին, իբր, վաճառվել է Գրիգորի Խաչատուրովին, ինչը ձեւակերպվել է երրորդ անձի անվամբ։
Նույն վարույթի շրջանակներում մեղադրանք է ներկայացվել նաև Գրիգորի Խաչատուրովի ընկերոջը՝ Էդգար Արշակյանին՝ օժանդակության հատկանիշներով: Նրա նկատմամբ որպես խափանման միջոց է կիրառվել բացակայելու արգելքը։
«Այն մարդիկ, որոնք կպնդեն այս գործով, որ զորամասը վերածվել է գումարի, կամ ընդհանրապես գործի մանրամասներից տեղյակ չեն, կամ միտումնավոր կեղծիքներ ու սուտ արտահայտությոգններ են անում՝ պախարակելու համար Գրիգորի Խաչատուրովի անունը»,- նշեց Պողոսյանը, որը ներկայացնում է Եղիշե Արշակյանի շահերը։
