ՌԴ Հարավային ռազմական օկրուգի՝ Հայաստանում տեղակայված «Էրեբունի» ավիացիոն ռազմակայանի ՄիԳ-29 կործանիչների անձնակազմերն ուսումնավարժական թռիչքների ընթացքում ոչնչացրել են պայմանական հակառակորդի հակաօդային պաշտպանության միջոցները: Այս մասին հայտնում է Ռուսաստանի պաշտպանության նախարարությունը։
Ստացված հետախուզական տվյալներով վարժանքի պլանի համաձայն ՝ պայմանական հակառակորդի ՀՕՊ ուժերը տեղակայվել են բարձրլեռնային շրջաններում։ Ռուսական ռազմակայանի զորամիավորման հրամանատարության կողմից թռիչքային կազմի առջև խնդիր է դրվել ոչնչացնել «հակառակորդի» ՀՕՊ օբյեկտները:
ՄիԳ-29-ի օդաչուներն ավիացիոն զույգերի և օղակների կազմով, տարբեր բարձրությունների վրա իրականացրել են թռիչքներ և պայմանական հրթիռներ արձակել թիրախների ուղղությամբ։ Հարվածների արդյունքում բոլոր պայմանական օբյեկտները ոչնչացվել են։
Ուսումնամարտական առաջադրանքը կատարվել է լեռնային կիրճերի շրջանում, հատուկ կլիմայական պայմաններում և օրվա տարբեր ժամերին։
Բացի այդ, ուսումնամարզական թռիչքների օդաչուները մշակել են բարդ և բարձրագույն պիլոտաժի տարրեր, ներառյալ մարտական շրջադարձեր, հորիզոնական «տակառներ», շրջադարձեր, սուզման բլուրներ՝ թեքության մեծ անկյուններով։ Հիմնական անձնակազմի և երիտասարդ օդաչուների թռիչքային հանձնարարությունները կատարվել են «Էրեբունի» ավիաբազայի երկնքում:
Բացի այդ, թռիչքային անձնակազմը փոխգործակցություն է մշակել թռիչքների կառավարման խմբերի և թռիչքային հերթափոխեր ապահովող ստորաբաժանումների հետ, մասնավորապես ՝ ինժեներական և տեխնիկական ծառայության անձնակազմի հետ, որոնք իրականացնում են մարտական մեքենաների նախապատրաստում, ինչը ներառում է վառելիքի լիցքավորում, ագրեգատների, հանգույցների և բազմաթիրախային կործանիչների այլ համակարգերի զննություն:
Ուսումնավարժական թռիչքներին ներգրավվել է ՀՌՕ-ի ավելի քան 100 զինծառայող, գործարկվել է ավելի քան 10 միավոր ռազմական և հատուկ տեխնիկա, այդ թվում՝ ՄիԳ-29 բազմաթիրախային կործանիչներ:
