ՀՀ քաղաքաշինության, տեխնիկական և հրդեհային անվտանգության տեսչական մարմինն իրազեկում է, որ 2023 թ․ մարտի 23-ից ուժի մեջ է մտնում Վարչական իրավախախտումների վերաբերյալ օրենսգրքում կատարված համապատասխան փոփոխությունը, համաձայն որի՝ բարձրանում է ավտոմոբիլային ճանապարհներով առավելագույն զանգվածը գերազանցող ծանրաքաշ մեքենաներով երթևեկելու տուգանքի չափը։
Տեսչական մարմնից հայտնում են, որ ըստ այդմ՝ մինչ այժմ գործող կարգավորումներով՝ վարչական պատասխանատվության միջոցի կիրառման չափը եթե նախկինում բեռի քաշի բոլոր դեպքերում սահմանվում էր նվազագույն աշխատավարձի երկուհարյուրապատիկի չափով, այսինքն 200 հազար ՀՀ դրամ, ապա մարտի 23-ից ուժի մեջ մտնող կարգավորմամբ՝ մինչև մեկ տոննա և ավել յուրաքանչյուր տոննայի համար նախատեսված է տուգանք նվազագույն աշխատավարձի երկուհարյուրապատիկի չափով, այսինքն որքան շատ է թույլատրելիից ավելի բեռի քաշը, այնքան մեծ է լինելու տուգանքի չափը:
Տեսչական մարմինը բեռափոխադրումներ իրականացնող իրավաբանական և ֆիզիկական անձանց հորդորում է փոխադրումների գործընթացն իրականացնելիս առաջնորդվել ՀՀ Կառավարության 20.07.2006 թ․ թիվ 1106-Ն որոշմամբ հաստատված բեռնվածքի պահանջների պահպանմամբ։
