Այսօր ՀՀ պաշտպանության նախարարությունում տեղի է ունեցել «Ես քո զինվորն եմ, հայրենիք» թեմայով ստեղծագործական շարադրությունների համաբանակային եւ համադպրոցական օլիմպիադայի եզրափակիչ փուլի հաղթողների պարգեւատրման արարողությունը:
2 անվանակարգերում մրցանակային տեղեր են զբաղեցրել 12 մասնակից՝ 6 ժամկետային զինծառայող, 6 աշակերտ:
«Զինվորները պարգեւատրվել են ՊՆ պատվոգրերով, ձեռքի ժամացույցներով, իսկ անվանակարգերում 1-ին մրցանակային տեղերը զբաղեցրած զինվորներին հատկացվել է նաեւ 7-օրյա լրացուցիչ արձակուրդ»,– ասված է հաղորդագրությունում:
Արժեքավոր նվերներ են ստացել նաեւ աշակերտները:
Ի թիվս այլ հրավիրվածների, միջոցառմանը մասնակցել են նաեւ մրցանակային տեղեր զբաղեցրած զինվորների եւ աշակերտների ուսուցիչները:
