ՀՀ ոստիկանապետ Վահե Ղազարյանին
NEWSPRESS.am լրատվական կայքի
հիմնադիր-տնօրեն
Արիանա Հովսեփյանի կողմից
ԴԻՄՈՒՄ
Ես՝ հանդիսանալով Հայաստանում գործող NEWSPRESS.am լրատվական կայքի հիմնադիր-տնօրենը, բազմիցս ենթարկվել եմ քաղաքական հետապնդումների՝ ինչպես գործող իշխանության, այնպես էլ ընդդիմության Ձեզ հայտնի գործիչների կողմից: Հետապնդման հերթական փորձն այս անգամ ուղղված է իմ կողմից հիմնադրված լրատվական կայքին:
NEWSPRESS.am կայքի ֆեյսբուքյան էջը, որն ունի ավելի քան 40 հազար հետևորդ, օրվա ընթացքում դադարել է առհասարակ գոյություն ունենալուց, այլ խոսքով՝ ենթարկվել է հարձակման ինչ-ինչ քաղաքական շրջանակների կողմից կամ պատվերով:
Կարծում եմ՝ առկա է համակարգչային համակարգի և համակարգչային տվյալների անվտանգության դեմ ուղղված հանցագործություն:
Այսպիսով, դիմում եմ Ձեզ, միաժամանակ խնդրում և պահանջում բացահայտել խոսքի ազատության դեմ ուղղված այս հանցագործությունը: Ուզում եմ հիշեցնել, որ հենց այս իշխանություններն են Հայաստանը հռչակել խոսքի ազատության բաստիոն, բայց, փաստորեն, հենց այս իշխանության օրոք է մամուլը դարձել ամենախոցելի օղակներից մեկը:
Հույս եմ հայտնում, որ անձամբ ձեռնամուխ կլինեք այս՝ կրկնակի հանցագործության բացահայտմանը՝ վեր դասելով Ձեր զինվորական պատիվն ամեն տեսակ քաղաքական խարդավանքներից:
