ԵՄ-ն ակտիվ ջանքեր է գործադրում Ադրբեջանի եւ Հայաստանի միջեւ վստահության մթնոլորտի ստեղծման ուղղությամբ, սակայն ավելի շատ ջանքեր են անհրաժեշտ։ Այս մասին հայտարարել է Հարավային Կովկասի եւ Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը Ստամբուլում TRT World Forum համաշխարհային ֆորումի շրջանակում, հաղորդում է ֆորումի թվիթթերյան օգտահաշիվը։
«30 տարվա հակամարտությունից հետո մեծ ջանքեր են պահանջվում վստահության մթնոլորտ ստեղծելու համար, եւ ԵՄ-ն պետք է ավելի շատ քայլեր ձեռնարկի այդ նպատակին հասնելու համար»,-ասել է նա։
Նրա խոսքով՝ երկու կողմից էլ անհրաժեշտ է առաջնորդություն, եւ խոսքը ոչ միայն երկու պետությունների ղեկավարների ջանքերի, այլեւ հայ եւ ադրբեջանական հասարակությունների միջեւ վստահության ստեղծմանն ուղղված միջոցների մասին է:
