Շիրակի մարզի ընդհանուր իրավասության դատարանը այս պահին դռնփակ նիստում քննում է Պեմզաշենի գործով երկրորդ ամբաստանյալ Արկադի Բարսեղյանի խափանման միջոց կալանքի հարցը։ Նիստը նախագահում է դատավոր Տիգրան Ոսկանյանը։

Առաջին ամբաստանյալի Վրույր Բարսեղյանի կալանքի որոշումը դատարանը կայացրել է երեկ առավոտյան։ Այսօրվա նիստին ներկա է նաեւ Արկադի Բարսեղյանի փաստաբանը, ով քիչ առաջ լրագրողներին տեղեկացրեց, որ ծանոթանում է գործի նյութերին։