ԱԺ «Հայաստան» խմբակցության նախկին պատգամավոր, «Մեկ Հայաստան» կուսակցության նախագահ Արթուր Ղազինյանի դիտարկմամբ՝ Հայաստանում այսօր առկա է չիրացված ահռելի պրոտեստ ներուժ:
Ըստ նրա՝ ընդդիմությունը պետք է ենթարկվի արմատական բարեփոխման ինչպես կառուցվածքի, այնպես էլ՝ առաջարկի ու առաջնորդների մասով:
«Պետք է ճիշտ թիմ, ընդունելի ու հասկանալի առաջարկ, խարիզմատիկ, վճռական առաջնորդ, գրագետ ու լավ հաշվարկված գործողություններ, ու ինքներս կապշենք փողոցում մարդկանց թվից:
Եթե կարողանանք սա անել, Հայաստանում իշխանությունը կփոխվի հաշված օրերի ընթացքում...», - Facebook-ի իր էջում գրել է Ղազինյանը։
