Ոստիկանության Անիի բաժնի քրեական հետախույզները հոկտեմբերի 30-ի երեկոյան Մարալիկ քաղաքի Մադաթյան և Հաղթանակի փողոցների խաչմերուկի մոտ, ապօրինի թմրամիջոց պահելու և օգտագործելու կասկածանքով, ձերբակալել ու բաժին են տեղափոխել 27-ամյա մի երիտասարդի:
Ոստիկանությունից հայտնում են, որ անձնական խուզարկությամբ նրա մոտ հայտնաբերվել են թղթե երկու փաթեթ և պլատիկ մեկ տարա` լցված 5 գրամից ավելի մարիխուանայի նմանվող զանգվածներով:
Երիտասարդը հայտնել է, որ հայտնաբերվածը թմրանյութ է:
Նախաձեռնվել է քրեական վարույթ, նշանակվել է փորձաքննություն: Հանգամանքները պարզվում են:
