Անգլիայի Լիվերպուլ քաղաքում ընթացող սպորտային մարմնամարզության աշխարհի տղամարդկանց առաջնությունում կայացան օղակների վրա մրցումները, որին մասնակցեցին Հայաստանի երկու մարզիկ:
Արթուր Ավետիսյանը, որը բացեց այդ մրցաշարը, ցույց տվեց 14.600 արդյունք: Նա վերջնական հաշվարկով գրավեց 4-րդ տեղը:
Նրանից անմիջապես հետո հանդես եկավ Վահագն Դավթյանը: Նա մրցավարների կողմից ստացավ 14.533 միավոր և առաջնությունն ավարտեց 6-րդ հորիզոնականում: Աշխարհի չեմպիոն դարձավ Թուրքիայի ներկայացուցիչը, ով ցույց տվեց 14.933 արդյունք:
Վաղը Հայաստանից հանդես կգա Արթուր Դավթյանը, որը հենացատկի որակավորման մրցումների առաջատարն է:
