Թուրքիայի նախագահ Ռեջեփ Թայիփ Էրդողանը Ռուսաստանի նախագահ Վլադիմիր Պուտինի հետ հեռախոսազրույցի ընթացքում խնդրել է նրան հնարավորություն տալ բանակցություններ վարել Կիեւի հետ, նրա խոսքով՝ Անկարան պատրաստ է միջնորդ դառնալ:
«Նախագահ Էրդողանը հայտարարել է, որ ավելի դրական իրադարձությունների համար հող նախապատրաստելու համար անհրաժեշտ են լարվածության թուլացման քայլեր, եւ որ Ռուսաստանից սպասվում են քայլեր այդ գործընթացին աջակցելու համար, հատկապես՝ Ուկրաինայի որոշ շրջանների՝ Ռուսաստանին միանալու հարցում: Ռուսաստանի նախագահ Պուտինին խնդրելով բանակցությունների եւս մեկ հնարավորություն տալ՝ Էրդողանն ասել է, որ Թուրքիան պատրաստ է այդ գործընթացում միջնորդի դեր խաղալ», - հայտնել է Թուրքիայի նախագահի գրասենյակը։
