Նոր ուսումնականին ընդառաջ՝ ՆԳ նախարար Կարեն Սարգսյանի նախաձեռնությամբ, Արցախի մի խումբ դպրոցականներ ստացել են դպրոցական պարագաների ամբողջական հավաքածու և պայուսակներ:
Գիտելիքի և դպրության օրվան ընդառաջ, ամենամյա բնույթ կրող նախաձեռնության շրջանակներում Մարտակերտի շրջանի Գետավան, Ասկերանի շրջանի Դաշուշեն համայնքների և Ստեփանակերտ քաղաքի Ս. Աբրահամայն փողոցի դպրոցական տարիքի երեխաները նվերների տեսքով գրենական պիտույքներ ու անհրաժեշտ պարագաներ են ստանում: Օրը հատկապես առանձնահատուկ է գիտելիք ստանալու իրենց առաջին քայլերը կատարող երեխաների համար:
Նախաձեռնությանն այս տարի ավելացել է նաև Շուշիի շրջանի Լիսագոր համայնքը: Դպրոցականների համար նախատեսված նվերները փոխանցել են նախարար Սարգսյանի զավակները:
