Սյունիքի մարզի Կուրիս ( նախկին Կուրավանք) գյուղի բնակիչ 31-ամյա Բորիս Անդրեասյանը վաղ առավոտից հացադուլ է հայտարարել գյուղի տարածքում գտնվող Սուրբ Ամենափրկիչ եկեղեցու բակում: SHAMSHYAN.com-ի թղթակցի հետ հեռախոսազրույցում Բ. Անդրեասնանն ասում էր. Այյդ քայլին գնացել եմ ի պատշտպանություն այն բանի, որ «Ագարակի պղնձամոլիբդենային կոմբինատ» ՓԲ ընկերության բաց հանքի ընդլայնման հետեւանքով Կուրիս գյուղի վարչական տարածքում գտնվող 17-րդ դարի Սուրբ Ամենափրկիչ եկեղեցին հայտնվել է հանքի ուղիղ եզրին և մասամբ քանդվել: Եկեղեցու հյուսիսային կողմի ուղղահայաց լանջն ամբողջությամբ քանդվել է եւ ոչ մի պաշտպանական միջոցառումներ չեն իրականցվել: Նման պայմաններում վաղ թե ուշ անխուսափելի են սողքերը, ինչի հետեւանքով հնարավոր է` եկեղեցին փլվի: Նա տեղեկացրեց նաև, որ ինքն ունի բարձրագույն կրթություն և 2 անչափահաս երեխաներ և որ ամեն բան անելու է միայն թե փրկի եկեղեցին: Բ. Անդրեասյանը ասաց նաև, որ հավատում է վարչապետ Նիկոլ Փաշինյանին և նրա ներկայացրած Մշակույթի նախարար Լիլիթ Մակունցին և հավատում է, որ նախարարը քայլեր կձեռնարկի Սուրբ Ամենափրկիչ եկեղեցին փրկելու համար: Լուսանկարները SHAMSHYAN.com-ին փոխանցել է ի պաշտպանություն Սուրբ Ամենափրկիչ եկեղեցու հացադուլ հայտարարած Բ. Անդրեասյանը: