Այսօր վարչապետ Նիկոլ Փաշինյանն այցելել է կրթության և գիտության նախարարություն և աշխատակազմին ներկայացրել նորանշանակ նախարար Արայիկ Հարությունյանին: Վարչապետ Փաշինյանն անդրադարձել է ոլորտին առնչվող խնդիրներին, դրանց լուծման հնարավորություններին և տվել համապատասխան հանձնարարականներ: Գործադիրի ղեկավարը կարևորել է պետական կառավարման համակարգի արդյունավետության բարձրացումն ու տարբեր ուղղություններով հետևողական քայլերի իրականացումը, որոնք կնպաստեն ոլորտների զարգացմանը, քաղաքացիների խնդիրների լուծմանն ու մատուցվող ծառայությունների պարզեցմանը: