Գործող իշխանությունները լուրջ չեն, չափից ավել ինքնավստահ են, ինչն էլ նրանց կամ կկործանի, կամ էլ արդեն կործանել է: Այս մասին 24News-ի հետ զրույցում նշեց նախկին փոխոստիկանապետ Հունան Պողոսյանը, ով 2018-ի իշխանափոխությունից հետո որոշ շրջան զբաղեցնում էր Սյունիքի մարզպետի պաշտոնը:
Վերջինս այցելել էր Ազատության հրապարակ՝ հայտնելու համերաշխություն Արթուր Վանեցյանին:
«Ինչ վերաբերվում է նման հայտարարություններին (Փաշինյանի հայտարարությունն Արցախի կարգավիճակի նշաձողն իջեցնելու մասին - խմբ), դրանք ժողովրդի տրամադրությունները ստուգելու համար են երևի արվում:
Իսկ որ Արցախը, Հայաստանի որոշ հատվածներ վտանգված են, բոլորդ գիտեք: Իրենք բավական ինքնավստահ են գործում, հենց էդ ինքնավստահությունն էլ կամ կկործանի, կամ կործանման եզրին կտանի, որովհետև լուրջ չեն: Իհարկե, ոչ բոլորը, լուրջ մարդիկ է, կան, բայց մեծ մասը չի էլ հասկանում՝ ինչ է խոսում», - ասել է նա:
