Քրեական ենթամշակույթին առնչվող հանցատեսակներով 2021 թվականի ընթացքում արձանագրվել է 14 դեպք: 2020թ. արձանագրվել էր նման ևս 16 դեպք: Այս մասին հայտնում են դատախազությունից:
Քրեական ենթամշակույթից բխող արարքների քրեականացումից ի վեր նշված հոդվածներով դատարան է ուղարկվել 6 քրեական գործ 30 անձի վերաբերյալ, որոնցից 4-ով ամբաստանվում են քրեական աստիճանակարգության բարձրագույն կարգավիճակ ունեցող անձինք՝ այսպես կոչված օրենքով գողեր:
Հաշվի առնելով խնդրի կարևորությունը՝ 2021թ. արդյունքերով պայմանավորված՝ այս հանցատեսակի դեմ պայքարի արդյունավետությունը բարձրացնելու համատեքստում ՀՀ գլխավոր դատախազությունից գրություն է հասցեագրվել ՀՀ ոստիկանության քրեական ոստիկանության գլխավոր վարչությանը:
