Ղազախական «Թուրան Ալեմ» բանկի նախկին նախագահ Մուխտար Աբլյազովն իրեն անվանել է ընդդիմության և բողոքի շարժման առաջնորդ: Այս մասին «Ռոյթերս»-ին հայտնել է բանկիրը:

Նա ընդգծել է, որ ցուցարարներն Ալմաթիում ամեն օր հարցնում են իրեն, թե ինչպես գործեն: Բանկիրը հայտարարել է, որ կվերադառնա Ղազախստան, որպեսզի գլխավորի «ժամանակավոր կառավարությունը»:

Աբլյազովի նկատմամբ քրեական գործեր են հարուցվել Ռուսաստանում, Ղազախստանում և Ուկրաինայում: Նրան մեղադրել են խարդախության, փաստաթղթերի կեղծման, լիազորությունների չարաշահման մեջ:

2013 թվականին Աբլյազովը ձերբակալվել է Ֆրանսիայի տարածքում: Նրա արտահանձնմանը միաժամանակ հասել են Ուկրաինան և Ռուսաստանը: Առաջնությունը տրվել է ՌԴ-ին: