Թուրքիայի նախագահի մամուլի քարտուղար Իբրահիմ Քալինը հայտարարել է, որ այլևս պատճառ չկա Հայաստանի հետ հարաբերությունները չբարելավելու համար։

Վերջինս հիշել է, որ Հայաստանը Թուրքիայի հարևանն է, և թուրքական կողմը ցանկանում է բացել սահմանները և սկսել դիվանագիտական հարաբերություններ։

«Դրա համար անհրաժեշտ է մի շարք պայմանների պահպանում, որոշ հարցերի քննարկում։ Հատուկ բանագնացների գործունեությունը կապված է այս պահերի լուծման հետ»,- «Սպուտնիկ Ադրբեջանի»-ի փոխանցմամբ՝ այս մասին ասել է նա՝ հավելելով, թե Ադրբեջանի և Թուրքիայի հետ Հայաստանի հարաբերությունների կարգավորումը օգուտ կբերի ողջ տարածաշրջանին։