Ռուսաստանը ներկայում ունի ավելի քան 2000 անօդաչու թռչող սարք, ասել է ՌԴ նախագահ Վլադիմիր Պուտինը, գրում է interfax.ru-ը:

«Մենք պետք է շարունակենք աշխատել դրանց (անօդաչու թռչող սարքեր) վրա, աշխատենք այնքան ջանասիրաբար, որքան վերջերս: Ես նկատի ունեմ, ներառյալ արհեստական ինտելեկտի օգտագործումը և տեխնոլոգիայի և գիտության ամենաժամանակակից ձեռքբերումները», — ասել է Պուտինը Պաշտպանության նախարարության և պաշտպանական արդյունաբերության ձեռնարկությունների ղեկավարության հետ հանդիպմանը:

Նա նշել է, որ այս աշխատանքը պետք է հիմնված լինի տվյալ թռչող սարքերի օգտագործման Ռուսաստանի փորձի վրա։

Նախագահը նաև ասել է, որ ռուս զինվորականները սովորել են, թե ինչպես արդյունավետ կերպով հետ մղել անօդաչու սարքերի հարձակումները։

«Մենք շատ լավ գիտենք, թե ինչպես է այն (անօդաչու ավիացիան) իրեն դրսևորել վերջին տարիներին զինված հակամարտություններում, որքան արդյունավետ և որքան վտանգավոր կարող է լինել մեզ համար՝ նկատի ունենալով այն, ինչ տեսանք Սիրիայում՝ անօդաչու թռչող սարքերի օգտագործմամբ ահաբեկչական հարձակումներ։ Մենք սովորել ենք հետ մղել այդ հարձակումները և դա անում ենք բավականին արդյունավետ»,- ասել է Պուտինը։