Կառավարությունում տեղյակ չեն՝ արդյո՞ք Նիկոլ Փաշինյանը վերջին շրջանում հեռախոսազրույց ունեցել է Ադրբեջանի նախագահի հետ:

Հիշեցնենք, որ Թուրքիայի նախագահ Էրդողանը երեկ հայտարարել էր, թե Ադրբեջանի նախագահ Իլհամ Ալիևը ՀՀ վարչապետ Նիկոլ Փաշինյանի հետ ունեցել է խոսակցություն, որի ընթացքում քննարկվել է տարածաշրջանում «3+3» ձևաչափ ստեղծելու հարցը:

Այս առիթով «Փաստինֆո»-ն մեկնաբանություն խնդրեց վարչապետի աշխատակազմից, ինչին ի պատասխան , Վարչապետի աշխատակազմի տեղեկատվության և հասարակայնության հետ կապերի վարչություն պետ Արմեն Խաչատրյանը ասաց.

«Թուրքիայի նախագահի հայտարարությունը չեմ մեկնաբանում, ես նման տեղեկություն չունեմ»:

Հստակեցնող հարցին՝ վերջին շրջանում ՀՀ վարչապետ Նիկոլ Փաշինյանը հեռախոսազրույց ունեցել է Ադրբեջանի նախագահի հետ, Արմեն Խաչատրյանը կրկին պնդեց, որ նման տեղեկություն չունի: