Բելառուսի նախագահ Ալեքսանդր Լուկաշենկոն հրամանագիր է ստորագրել, որով պետական սեփականության մասնավորեցմանն առնչվող նախագահական գործառույթների մի մասը փոխանցվում է կառավարությանը եւ տեղական իշխանություններին:
«Պետության ղեկավարի գործառույթները, Բելառուսի Հանրապետության սեփականության ներքո գտնվող գյուղատնտեսական արտադրանք վերամշակող բաց բաժնետիրական ընկերությունների սեփականաշնորհման գործընթացում ստեղծված բաժնետոմսերի լրացուցիչ թողարկումների հարցի համաձայնեցմամբ, փոխանցվել են կառավարությանը», - ասված Է նախագահի մամուլի ծառայության հաղորդագրության մեջ:
Հրամանագրում նաեւ նշվում է, որ եթե նշված ԲԲԸ-ի բաժնետոմսերը գտնվում են վարչատարածքային միավորների սեփականության ներքո, համաձայնեցման գործառույթները փոխանցվում են «մարզային կոմիտեներին եւ Մինսկի քաղգործկոմին»:
Այսպիսով, Լուկաշենկոն փոփոխություններ է կատարել 1998 թվականի մարտի 20-ի «Բելառուսի Հանրապետությունում պետական սեփականության մասնավորեցման մասին» հրամանագրում:
00:00:00
