«Ռոսիա-24»-ի եթերում Ռուսաստանի Դաշնության նախագահ Վլադիմիր Պուտինն իր կարծիքն է հայտնել նախկին Խորհրդային Միության հանրապետություններում իրավիճակի մասին՝ նշելով, որ ժամանակակից Ռուսաստանը ճանաչել է այսօրվա աշխարհաքաղաքական իրողությունները:
Պուտինը հիշեցրել է, որ կա ՀԱՊԿ-ը, ապա ընդգծել է որ նախկին ԽՍՀՄ շատ հանրապետությունների հետ, որոնց թվում Ղազախստանն է, Ռուսաստանը դաշնակցային և բարեկամական հարաբերություններ ունի:
«Մենք ոչ մեկին չենք քաշում այնտեղ: Եվս մեկ անգամ կրկնում եմ, մենք փնտրում ենք փոխզիջումային ուղիներ, որոնք կհանգեցնեն մեր գործընկերներին բավարարող իրավիճակի»,-ասել է Պուտինը և որպես օրինակ մատնանշել Եվրոպական միությունը, որը զարգանում է, բայց միևնույն ժամանակ այն չի համեմատվում Խորհրդային Միության հետ:
«Սա կամավոր հարց է․ մենք բավականին գոհ կլինենք, եթե բարեկամական կայուն հարաբերություններ ունենանք նույնիսկ երկկողմ ձևաչափով, մենք պատրաստ ենք դրան, ևս մեկ անգամ կրկնում եմ՝ ճանաչելով այսօրվա աշխարհաքաղաքական իրողությունները»,-ասել է Պուտինը, ապա հավելել, որ Ռուսաստանը պատրաստ է նաև ԽՍՀՄ նախկին հանրապետությունների հետ ավելի խորը համագործակցության:
00:00:00
