Տագնապի ազդանշաններ են միացել Իրաքի մայրաքաղաքում ԱՄՆ դեսպանատանը: Այս մասին հայտնել է AlHadath հեռուստաալիքը՝ հղում անելով աղբյուրներին: Նրանց տեղեկությամբ՝ շչակները գործի են դրվել այն բանից հետո, երբ անհայտ անձինք փորձել են հրթիռակոծել Բաղդադի կենտրոնում հատուկ պահպանվող «կանաչ գոտին», որտեղ գտնվում են մի շարք կառավարական շենքեր և օտարերկրյա դիվանագիտական ներկայացուցչություններ, մասնավորապես՝ ամերիկյան դեսպանատունը: Բացի այդ, ականատեսները հայտնում են, որ տարածքի մոտակայքում խոցվել է անօդաչու սարք: Զոհերի և ավերածությունների մասին տեղեկություններ չեն հաղորդվում: