Իրանում վերջին 24 ժամում կորոնավիրուսից մահացել է 111 քաղաքացի։ Այս մասին հայտնում է IRNA գործակալությունը։ Երկրում Covid-19-ից մահերի թիվը երկրում հասել է 84 հազար 624-ի: Վերջին 24 ժամում Իրանում գրանցվել է կորոնավիրուսի 8341 նոր դեպք, որոնցից 1120-ը հոսպիտալացվել է: Երկրում գրանցված 3 մլն 241 հազար 37 դեպքից 2 մլն 914 հազար 830-ը առողջացել կամ դուրս է գրվել հիվանդանոցներից: 3207 քաղաքացի ծայրահեղ ծանր վիճակում բուժում է ստանում ինտենսիվ թերապիայի բաժանմունքներում: