«Այո՛, պատգամավորը կարող է գրավոր դիմել, բայց այս հարթակը պետք է ծառայի բանավոր խոսքի ու հարցուպատասխանի համար։ Խորհրդարանը, Ձեր գլխավորությամբ, կրավորական դերակատարություն է ունեցել վերջին մի քանի ամիսներին։ Դրա վառ ապացույցն է անցած օրը կառավարության անդամների կողմից հեգնական վերաբերմունքը պատգամավորների հնչեցրած հարցերին», - ասաց Գևորգյանը։ Պատգամավորի խոսքով՝ ԱԺ նախագահը պարտավոր էր միջամտել։ Արձագանքելով Գոռ Գևորգյանին՝ Արարատ Միրզոյանն ասաց, թե պատգամավորի հորդորի մի մասը համարում է կառուցողական։ «Ձեր հորդորի մի մասը կառուցողական է, մի մասն էլ, թույլ տվեք՝ ես որոշեմ, էլի։ Ամեն մարդ թող իր հետագծի մասին մտածի», - ասաց Միրզոյանը։ Հիշեցնենք՝ նախօրեին կառավարության հետ հարցուպատասխանի ընթացքում գործադիր մարմնի անդամները չեն պատասխանել «Իմ քայլը» խմբակցությունից դուրս եկած պատգամավորների հարցերին՝ առաջարկելով դրանք ներկայացնել գրավոր։