Ռուսական խաղաղապահ զորակազմի հրամանատարության միջնորդությամբ ազատ են արձակվել Ադրբեջանի զինված ուժերի երկու զինծառայող, որոնց ԱԱԾ-ն ձերբակալել էր 2021 թվականի ոհւնվարի 30-ին Սյունիքի մարզի Տեղ բնակավայրի մոտակայքում: Այս մասին հայտնում է ՌԴ ՊՆ-ն: Բացի այդ նշվում է, որ 2021 թվականի հունվարի 30-ին ադրբեջանական կողմի խնդրանքով  ռուսական խաղաղապահ առաքելության հատուկ նշանակության բժշկական ջոկատի ուժերով իրականացվել է Ադրբեջանի զինված ուժերի 16 հիվանդ զինծառայողի տարհանում Մաղավուզի Վանք բնակավայրից: Նրանց փոխանցել են ադրբեջանցի բժիշկներին: «Ռուսական առաքելության զորախումբը շարունակում է կատարել իր առաջադրանքները Լեռնային Ղարաբաղի տարածքում: 27 դիտակետերում ռուս խաղաղապահները հրադադարի ռեժիմի պահպանման շուրջօրյա վերահսկողություն են իրականացնում»,- ասվում է ՌԴ ՊՆ հաղորդագրության մեջ: Նշվում է, որ վերջին մեկ օրում Հայաստանից Լեռնային Ղարաբաղ է վերադարձել ևս 96 արցախցի: Նոյեմբերի 14-ից ի վեր Լեռնային Ղարաբաղի իրենց մշժտական բնակության վայրեր են վերադարձել 51 947 մարդ: