Մոսկվայի կենտրոնում գտնվող հիվանդանոցներից մեկում հրդեհ է բռնկվել, շենքից տարհանվել է ավելի քան 20 մարդ, դեպքի հետևանքով 2 մարդ է զոհվել: Այս մասին տեղեկացնում է ՏԱՍՍ գործակալությունը` հղում տալով իր աղբյուրներին:
Հրդեհը բռնկվել է Դուրովա 26 հասցեում գտնվող բժշկական հաստատության երրորդ հարկում, կրակի տարածման մակերեսը կազմել է 30 քառակուսի մետր:
Ռուսաստանի արտակարգ իրավիճակների Մոսկվայի պետական վարչության մամուլի ծառայությունն ավելի վաղ տեղեկացրել էր մեկ զոհի մասին: Նրանք տեղեկացրել են նաև, որ հրդեհի մարման ընթացքում փրկվել է 23 մարդ:
Շենքը, որում բռնկվել է հրդեհը, վերակառուցման փուլում էր, բռնկման պահին այնտեղ եղել է շինարարական անձնակազմը:
