SHAMSHYAN.com -ի տեղեկություններով՝ հոկտեմբերի 4-ին ավտոմեքենայի փախցնելու դեպք է տեղի ունեցել Երևանում: Ժամը 20:40-ի սահմաններում ոստիկանության Քանաքեռ-Զեյթունի բաժին է դիմել Արմավիրի մարզի բնակիչ, 29-ամյա Հակոբ Պ.-ն և հայտնել, որ նույն օրը՝ ժամը 20:20-ի սահմաններում անհայտ անձը կամ անձինք փախցրել են Թբիլիսյան խճուղու թիվ 22/7 հասցեի մոտ կայանված, իր կողմից շահագործվող ВАЗ 21010 մակնիշի ավտոմեքենան: Ինչպես հայտնում է ֆոտոլրագրող Գագիկ Շամշյանը, ավտոմեքենան եղել է ռուսական համարանիշներով, իսկ ահազանգով դեպքի վար է ժամանել ոստիկանության Քանաքեռ-Զեյթունի բաժնի օպերատիվ խումբը՝ հետաքննչական բաժանմունքի հետաքննիչի գլխավորությամբ: Փաստի առթիվ ոստիկանությունում նյութեր են նախապատրաստվում, սակայն մինչև այսօր թե՛ ավտոմեքենան, թե՛ հանցագործը կամ հանցագործները չեն հայտնաբերվել: Ֆոտոլրագրողի տեղեկություններով՝ Հակոբ Պ.-ն աշխատում է Երևանում գործող ընկերություններից մեկում՝ որպես պահեստապետի օգնական: Ավտոմեքենան բարձված է եղել սննդով, որը, ըստ նրա՝ ուղարկվելու էր զինվորին: Այսօր՝ հոկտեմբերի 28-ին, SHAMSHYAN.com-ի թղթակցի հետ զրույցում Հակոբն ասում էր: «Մինչ մեր առյուծ տղերքը կամավորական ջոկատներ են կազմում ու մեկնում ռազմաճակատ, որոշ դուսպրծուկներ շարունակում են իրենց հանցագործ ապրելակերպը: Ինչ-որ դուսպրծուկներ օրեր առաջ գողացել են սահմանին կանգնած առյուծ տղերքի համար հագուստ ու սնունդ տեղափոխող ВАЗ 21010 մակնիշի մեքենան, որի վարորդը կայանել էր մեքենան, որպեսզի արագ սննդի կետերից մեկից սնունդ վերցնի եւ փոխանցի զինվորականներին»:

Մանրամասները՝ սկզբնաղբյուրում: