Անգլիական Պրեմյեր լիգայում կորոնավիրուսի նախորդ թեստավորման արդյունքում գրանցվել է 3 դրական թեստ, հաղորդում է Պրեմյեր լիգայի մամուլի ծառայությունը: Սեպտեմբերի 14-20-ը կորոնավիրուսի թեստ են հանձնել 1574 ֆուտբոլիստներ ու ակումբների աշխատակիցներ: Վարակվածները կմեկուսացվեն 10 օրով: Պրեմյեր լիգան հայտնել է, որ տեղեկություններ չի հրապարակելու վարակված ֆուտբոլիստների ու ակումբների մասին: Ավելի վաղ հայտնի էր դարձել, որ «Մանչեսթեր Սիթիի» ֆուտբոլիստներից մեկը վարակվել է կորոնավիրուսով: