Շիրակի մարզի Անի խոշորացված համայնքի ղեկավար Արտակ Գևորգյանին մեղադրանք էր առաջադրվել այն բանի համար, որ նա 2004 թ., հանդիսանալով Շիրակի մարզի Մարալիկ համայնքի, այնուհետև 2017թ. Անի խոշորացված համայնքի ղեկավարը, ՀՀ օրենքի համաձայն՝ իրավասու լինելով իր լիազորություններն իրականացնել աշխատակազմի, համայնքային բյուջետային հիմնարկների, առևտրային և ոչ առևտրային կազմակերպությունների միջոցով, իրավասու լինելով ընդունել որոշումներ, արձակել կարգադրություններ, կազմել արձանագրություններ, լիազորված լինելով տնօրինել համայնքի բյուջեի միջոցները՝ ապահովել դրանց նպատակային օգտագործումը, ստորագրել ֆինանսական փաստաթղթեր, պաշտոնեական դիրքն օգտագործելով, միասնական հանցավոր մտադրությամբ վատնելու եղանակով հափշտակել է իրեն վստահված ուրիշի՝ համայնքի խոշոր չափերի գույքը և անձնական այլ դրդումներով կատարել պաշտոնեական կեղծիք:
Ըստ մեղադրանքի՝ Գևորգյանը և համայնքապետարանի երկու աշխատակիցները վատնելու եղանակով հափշտակել են չաշխատած օրերի դիմաց որպես աշխատավարձ հաշվարկված և վճարված մոտ 650 հազար դրամ:
Ըստ Գևորգյանի պաշտպան Արամայիս Հայրապետյանի՝ վարորդը զուգահեռ աշխատել է նաև հերթափոխով դատական կարգադրիչների ծառայությունում և երեք օրը մեկ կամ չորս օրը մեկ հերթապահություն է եղել, որից էլ ենթադրում են, որ այդ օրը գործի չի եկել, բայց հաշվարկվել և վճարվել է աշխատավարձ։ Այսինքն՝ ամսական դա կազմում է 10 հազար դրամ, հինգ տարվա մեջ 600 հազարից ավելի դրամ: Պաշտպանական կողմը բողոքարկել է մեղադրական կողմը:
00:00:00
