Այսօրվա դրությամբ Հայաստանում 81084 արձանագրություն է կազմվել դիմակ չկրելու եւ անձը հաստատող փաստաթղթի բացակայության վերաբերյալ: Այս մասին հուլիսի 13-ին ՀՀ Ազգային ժողովի արտահերթ նիստին հայտարարեց ՀՀ փոխվարչապետ, պարետ Տիգրան Ավինյանը:
Սակայն, նրա խոսքով, սանիտարահամաճարակաբանական կանոններին համապատասխանելու մասով տնտեսվարող սուբյեկտների պահվածքը զգալիորեն բարելավվել է: «Ընդ որում, սոցիալական կարգապահության մակարդակը դեռ բավարար չէ վարակի տարածման դինամիկան նվազեցնելու համար: Այս մասին են վկայում ոստիկանության կողմից արձանագրված խախտումները: Մինչ օրս Հայաստանում կազմվել է 81084 արձանագրություն դիմակներ չկրելու եւ անձը հաստատող փաստաթուղթ չունենալեւ վերաբերյալ, որից 22485-ը վերաբերում է տրանսպորտային միջոցներում դիմակներ չկրելու դեպքերին, իսկ 56817-ը՝ հասարակական վայրերում դիմակների բացակայությանը»,- հայտնեց Ավինյանը:
00:00:00
