Վրաստանի խորհրդարանի խոսնակ Արչիլ Թալաքվաձեն հայտարարել է, որ Ուկրաինայի նախագահին առընթեր բարեփոխումների գործադիր կոմիտեի ղեկավարի պաշտոնում Վրաստանի նախկին նախագահ Միխեիլ Սահակաշվիլիի՝ նշանակումը «ստվեր է նետում» երկու երկրների համագործակցության վրա, հաղորդում է «Ինտերֆաքս»-ը:
«Այս որոշումը շատ անհասկանալի էր, և կադրային այս որոշումն, անկասկած, ստվեր է նետում մեր երկրների քաղաքական համագործակցության վրա»,- ասել է խոսնակը վրացական հեռուստաալիքներից մեկի եթերում:
Նա շեշտել է, որ Սահակաշվիլին «ամեն օր միջամտում է» Վրաստանի ներքին գործերին և ապակայունացնում է երկրում տիրող քաղաքական իրավիճակը:
Թալաքվաձեն նաև հավելել է, որ շատ շուտով Ուկրաինայի քաղաքացիները, ի դեմս Սահակաշվիլիի, կտեսնեն «թե ով է իրականում նշանակվել այդ պաշտոնում»:
