Լեռնային Ղարաբաղի նախագահ Բակո Սահակյանը երեկ ստորագրել է հրամանագիր, համաձայն որի՝ պետական սահմանը պաշտպանելիս ցուցաբերած արիության համար Պաշտպանության բանակի N զորամասի զինծառայող Նարեկ Հարությունյանը հետմահու պարգևատրվել է «Մարտական ծառայություն» մեդալով։ Այդ մասին այսօր տեղեկացնում է ԼՂ նախագահի պաշտոնական կայքէջը: ԼՂ պաշտպանության նախարարության հաղորդել էր, որ 20-ամյա զինծառայողը հակառակորդի կողմից արձակված կրակոցից մահացու հրազենային վնասվածք է ստացել ապրիլի 9-ին՝ ՊԲ հարավային ուղղությամբ տեղակայված զորամասերից մեկի պահպանության տեղամասում: