Ամբողջ աշխարհում վերջին մեկ շաբաթվա ընթացքում կորոնավիրուսից 40 000 մարդ է մահացել, ինչը կազմում է հիվանդության բոլոր զոհերի գրեթե մեկ երրորդը, հայտնում է korrespondent.net կայքը՝ հղում տալով Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբրեյեսուսի հայտարարությանը։
Նա հիշեցրել է, որ ԱՀԿ տվյալներով՝ այժմ աշխարհում կորոնավիրուսով վարակման մոտ 2 միլիոն հաստատված դեպք կա, մահացել է ավելի քան 123 000 մարդ, ինչը, սակայն, «40 000-ով ավելի է» նախորդ շաբաթվանից։
Միևնույն ժամանակ, Worldometers կայքի տեղեկություններով, այս պահին աշխարհում կորոնավիրուսի ավելի քան 2,1 միլիոն դեպք է գրանցվել։ Հիվանդությունից մահացել է 136 061 մարդ, ապաքինվել՝ 523 935-ը։
