ԱՄՆ-ն կորոնավիրուսի վարակակիրների ու զոհերի թվով աշխարհում առաջինն է։ երկրում մինչ օրս վարակվել է 557 571, մահացել ՝ ավելի քան 22 հազար մարդ։ Ապաքինվել է մոտ 33 հազար մարդ։ Այս մասին են վկայում Ջոն Հոփկինսի համալսարանի տվյալները։ Մահվան դեպքերից 6 898-ը բաժին է ընկնում Նյու Յորք քաղաքին։ Նշվում է, որ երկրում անցկացվել է ավելի քան 2․8 մլն թեստ։ Ըստ համալսարանի տվյալների՝ աշխարհում կորոնավիրուսով վարակվածների ընդհանուր թիվը հասել է 1 մլն 850 հազարի, իսկ զոհերի թիվն անցել 114 հազարից։