ՌԴ նախագահի մամուլի քարտուղար Դմիտրի Պեսկովը քննադատել է մի շարք պետություններին կորոնավիրուսի պանդեմիայով պայմանավորված ճգնաժամային իրավիճակում ուրիշ երկրների փրկության հարցում առաջնորդության մրցավազք կազմակերպելու մեջ, հաղորդում է ՏԱՍՍ-ը։ «Այն, որ ներկայիս ճգնաժամի փուլում, երբ հիմնականում բոլոր երկրներն ապրում են դաժան ճգնաժամ՝ կապված պանդեմիայի հետ, մի շարք պետություններ կազմակերպում են մրցավազք մյուս երկրներին օգնություն ցուցաբերելու հարցում առաջատար դիրք ձեռքբերելու նպատակով՝ որպես կորոնավիրուսից համաշխարհային փրկիչներ․ չեմ կարծում, որ դա լավ միտք է»,-շաբաթ ասել է նա Առաջին ալիքի «Մեծ խաղ» հաղորդման եթերում։ «Չեմ կարծում, որ պացիենտները, որոնք մահանում են առանց անհրաժեշտ օգնություն ստանալու հիվանդանոցներում, կարող են հպարտանալ իրենց երկրով, որ նա առաջին տեղում է ուրիշներին օգնելու հարցում»,-պարզաբանել է Պեսկովը։ Նրա խոսքով՝ կորոնավիրուսի պանդեմիան ցույց է տվել, որ մի շարք միջազգային կազմակերպություններ անարդյունավետ են ճգնաժամի պայմաններում։