Նյույորքյան Լոնգվուդ ավագ դպրոցի սևամորթ աշակերտներից չորսի ծնողները պատրաստվում են 12 մլն դոլարի հայց ներկայացնել ընդդեմ դպրոցի, որի ուսուցիչներից մեկն իրենց երեխաներին «կապիկ» է անվանել: Ինչպես նշում է thehill.com-ը, դեպքը տեղի է ունեցել դասարանում ներկայացված սլայդշոուի ժամանակ: Չորս սևամորթ աշակերտների լուսանկարի վրա ուսուցիչը գրել է «կապիկներն անում են» գրությունը: Սևամորթ դասընկերների լուսանկարն արվել էր նոյեմբերին Բրոնքսի կենդանաբանական այգի կատարած այցի ժամանակ: Ավելի ուշ ուսուցիչը դրան ծաղրական գրառում է ավելացրել ու այն օգտագործել դասարանի միջոցառման ժամանակ: Դրա ընթացքում ցուցադրվել են կապիկների տարբեր տեսակների լուսանկարներ: Գորիլայի լուսանկարից հետո ցուցադրվել է տղաների լուսանկարը:

Հայցվոր կողմի փաստաբանի պնդմամբ՝ տեղի է ունեցել աշակերտների քաղաքացիական իրավունքների խախտում: