Հռոմի պապ Ֆրանցիսկոսը ներողություն է խնդրել իր վարքագծի համար, երբ կորցրել է համբերությունը և հարվածել ուխտավոր կնոջ ձեռքին, հայտնում է ՌԻԱ Նովոստին։ «Համբերությունը սեր է։ Երբեմն մենք կորցնում ենք համբերությունը, ինչպես ես՝ երեկ։ Եվ այսօր ես ներողություն եմ խնդրում երեկվա վատ օրինակի համար»,- չորեքշաբթի օրը ասել է պոնտիֆիկը՝ ավանդական քարոզով դիմելով Նոր տարվա առիթով հավաքված հավատացյալներին։