ԱՄՆ-ը ընդլայնել է Իրանի դեմ պատժամիջոցները։ Պետքարտուղար Մայք Պոմպեոն հայտարարել է, որ Վաշինգտոնը պատժամիջոցներ է սահմանել իրանական Mahan air ավիաընկերության հանդեպ՝ «զանգվածային ոչնչացման զենքի տեղափոխման մեջ նրա դերի համար»։ Պոմպեոն նաեւ հայտարարել է իրանական նավատորմային ընկերության հանդեպ պատժամիջոցների վերականգնման մասին՝ 2015թ․ դրանց հանելը «մեծ սխալ» անվանելով։ Իրանին «անօրինական նյութեր» մատակարարելու համար պատժամիջոցների է ենթարկվում նաեւ շանհայական E-Sail Shipping ընկերությունը, հայտնում է AP-ը։ ԱՄՆ-ը նաեւ պատժամիջոցներ է սահմանել Իրանի մեկ քաղաքացու, Իրանի, ՉԺՀ-ի եւ ԱՄԷ-ի հինգ ընկերությունների, ինչպես նաեւ երկու նավերի հանդեպ։ «Այնքան ժամանակ, քանի դեռ շարունմակվում է Իրանի վնասաբեր գործունեությունը, կշարունակվի նաեւ առավելագույն ճնշման մեր գործունեությունը»,- ասել է Պոմպեոն։