Շվեյցարիայի խորհրդարանի երկու պալատները տրանսպորտի հարցերով դաշնային դեպարտամենտի (նախարարություն) ղեկավար Սիմոնետա Սոմարուգային պաշտոնապես ընտրել են երկրի նախագահի պաշտոնում 2020 թվականի համար: Այս մասին տեղեկացնում է gazeta.ru-ն՝ հավելելով, որ 2019-ի հունվարի 1-ից Սոմարուգան զբաղեցնում է դաշնային խորհրդականի և Շվեյցարիայի փոխնախագահի պաշտոնները: Դաշնային խորհրդի կազմում քաղաքական գործիչն ընդգրկված է 2010 թվականից: Նա արդեն ընտրվել է երկրի նախագահի պաշտոնում 2015-ին: Փոխնախագահի պաշտոնը հաջորդ տարի կզբաղեցնի տնտեսության, գիտության և կրթության հարցերով դաշնային դեպարտամենտի գործող ղեկավար Գի Պարմելանը: