«Նորմանդական գագաթնաժողովի» անցկացումն Ուկրաինայի նախագահի դիվանագիտական հաջողությունն Է: Այդ մասին հայտարարել Է Ուկրաինայի վարչապետ Ալեքսանդր Գոնչարուկը Facebook-ի իր Էջում:
Կառավարության ղեկավարի խոսքով՝ երկարատեւ ընդմիջումից հետո պաշտոնական Կիեւի մասնակցությունը բանակցություններին մեծ առաջընթաց Է դարձել Դոնբասի հակամարտության կարգավորման համար: Գոնչարուկը հայտարարել Է, որ Ուկրաինայի ղեկավարը կշարունակի պայքարել հանուն խաղաղության եւ «հանուն Ուկրաինայի տարածքների վերադարձման»:
Վարչապետը կարծում Է, որ գագաթնաժողովում ձեռք բերված համաձայնություններից ամենագլխավորը կալանավորների եւ բռնված անձանց փոխանակումն Է «բոլորին՝ բոլորով» սկզբունքով: Նա նշել Է, որ «72 ուկրաինացիներ կարող են շուտով վերադառնալ տուն»:
Գոնչարուկը հավելել Է, որ բաց Է մնում Կիեւի կողմից Դոնբասում ռուս-ուկրաինական սահմանի հատվածի նկատմամբ վերահսկողության վերականգնման հարցը: «Ուկրաինայի դիրքորոշումն Է՝ նախ լիակատար անվտանգություն, որը չի կարող գոյություն ունենալ առանց սահմանի նկատմամբ վերահսկողության: Այնուհետեւ ընտրություններ: Այս թեման վերստին տեղ կգտնի 4 ամիս անց հաջորդ հանդիպման օրակարգում»,- գրել Է նա:
Դրա հետ մեկտեղ իր Telegram-կանալում ուկրաինացի քաղաքական գործիչը, գնահատելով բանակցությունների արդյունքները, ընդգծել Է, որ «Վլադիմիր Զելենսկու թիմը Փարիզում լուրջ քայլ Է կատարել Դոնբասում պատերազմի ավարտման ուղղությամբ»:
