Դեկտեմբերի 10-ին համաշխարհային հանրությունը նշում է Մարդու իրավունքների օրը (Human Rights Day), որը 1950թ․ դեկտեմբերին հաստատվել է ՄԱԿ Գլխավոր ասամբլեայի լիագումար նիստում։ Բոլոր պետություններին եւ շահագրգիռ կազմակերպություններին առաջարկվել է ընդունել այդ օրը եւ համապատասխան միաջոցառումներ անցկացնել։ Ի դեպ, յուրաքանչյուր 5 տարին մեկ դեկտեմբերի 10-ին, Մարդու իրավունքների համընդհանուր հռչակագրի ընդունման տարելիցին, անցկացվում է մարդու իրավունքների ոլորտում ՄԱԿ-ի մրցանակաբաշխության արարողություն։ Այն հիմնադրվել է 1966թ․՝ պարգեւատրելու համար նրանց, ովքեր նշանակալի ներդրում են ունեցել մարդու իրավունքների խրախուսման եւ պաշտպանության գործում։ Մրցանակն առաջին անգամ հանձնվել է 1968թ․։