«Գրիգոր Լուսավորիչ» բժշկական կենտրոնի շտապօգնության և վերակենդանացման բաժանմունքի վարիչ Սամվել Կարապետյանը լրագրողներին տեղեկացրեց, որ «Բուրգեր Քինգ» սննդի սպասարկման կետում պայթյունի հետևանքով հիվանդանոց է տեղափոխվել 8 հոգի:
Կան միջին ծանրության վիրավորներ և մեկ հոգու՝ 8 տարեկան Ռուբինա Մարկոսյանի վիճակը ծանր է, որը գտնվում է վիրահատարանում:
Վիրավորների վնասվածքները հիմնականում մակերեսային են՝ փափուկ հյուսվածքների քերծվածքներ, սալջարդներ, վերքեր: Կյանքին սպառնացող վտանգ չկա:
Ինչ վերաբերում է Ռուբինայի վիճակին, Կարապետյանը նշեց, որ մինչև վիրահատության ավարտը ոչինչ չի կարող նշել:
00:00:00
