00:00:00

Արոնյանը կմրցի Ադրբեջանը ներկայացնող Արկադի Նայդիչի հետ

18:40, 01 ապրիլ 2018 Սպորտ

Գերմանիայում երեկ մեկնարկել է «GRENKE Сhess Сlassic» մրցաշարը, որին մասնակցում են աշխարհի ուժեղագույն գրոսմայստերները: Մարտի 31-ին կայացել է առաջին տուրը: Հայ շախմատիստ Լևոն Արոնյանը սև խաղաքարերով մրցել է գերմանացի Գեորգ Մեյերի հետ և պարտիան ավարտել ոչ-ոքի արդյունքով: Այսօր մեր հավաքականի առաջատարը սպիտակներով ուժերը չափելու է Ադրբեջանը ներկայացնող Արկադի Նայդիչի հետ:
 Նայդիչը նախորդ տուրում նույնպես ոչ-ոքի է խաղացել` միավորը կիսելով ֆրանսիացի Վաշիե-Լագրավի հետ:
Առաջին տուրում միակ հաղթանակը տոնել է ռուս Նիկիտա Վիտյուգովը, ով առավելության է հասել գերմանացի Մատիաս Բլուբաումի նկատմամբ: Կարուանա-Կարլսեն, Անանդ-Յիֆան պարտիաներում էլ շախմատիստները կրկին խաղաղ ելք են կնքել: Հիշեցնենք, որ Արոնյանն այս մրցաշարի գործող հաղթողն է: GRENKE Сhess Сlassic. Տուր 2 Մագնուս Կարլսեն (Նորվեգիա) - Հու Յիֆան (Չինաստան)  Մաքսիմ Վաշիե-Լագրավ (Ֆրանսիա) - Վիշվանաթան Անանդ (Հնդկաստան) Ֆաբիանո Կարուանա (ԱՄՆ) - Մատիաս Բլուբաում (Գերմանիա) Լևոն Արոնյան (Հայաստան) - Արկադի Նայդիչ (Ադրբեջան)  Նիկիտա Վիտյուգով (Ռուսաստան) - Գեորգ Մեյեր (Գերմանիա)  Բոլոր պարտիաները կմեկնարկեն Երևանի ժամանակով ժամը 17:00-ին:

Լրահոս

Արխիվ

March 2017
Երկ ԵրքՉոր Հնգ Ուրբ Շաբ Կիր