«Օրբելի»   հետազոտական կենտրոնի` Ադրբեջանի  հարցերով փորձագետ Տարոն Հովհաննիսյանը վստահ է` Ադրբեջանը չի պատրաստվում փոխել իր ագրեսիվ քաղաքականությունը. այդ մասին են վկայում  Ադրբեջանի բարձրաստիճան պաշտոնյաների հայտարարությունները, իսկ հայկական կողմը  բազմիցս  հայտարարել է` միակողմանի զիջումներ երբեք չեն լինելու: Այս մասին Տարոն Հովհաննիսյանը նշեց  irakanum.am-ի  հետ զրույցում։ Ինչպես  հայտնի է, հոկտեմբերի 15-ին  Բաքվում տեղի ունեցած      Թյուրքալեզու պետությունների համագործակցության խորհրդի    7-րդ գագաթնաժողովի    ընթացքում   Ադրբեջանի նախագահ Իլհամ Ալիևը հայտարարել էր, որ «Զանգեզուրի փոխանցումը Հայաստանին» հանգեցրեց թյուրքական աշխարհի աշխարհագրական պառակտմանը: Թուրքիայի նախագահ Ռեջեփ  Թայիփ  Էրդողանն էլ հավելել էր,  որ իրենք կանեն հնարավոր   քայլերը, Ադրբեջանի տարածքային ամբողջականությունն  ապահովելու համար: «Զանգեզուրի հետ կապված՝ Ալիևը  նմանատիպ բովանդակությամբ  հայտարություն Ալիևը նախորրդ տարի էլ էր հնչեցրել՝ նախագահական ընտրություններից առաջ։ Զանգեզուրն այսօր Հայաստանի ինքնիշխան տարածքն է, իսկ Հայաստանը ՄԱԿ–ի անդամ է և միջազգային ճանաչում ունի»,– ասաց  Տարոն Հովհաննիսյանը՝ նշելով՝ փաստ է՝ Ալիևը  ագրեսիա  է ցուցաբերում մեր երկրի տարածքային ամբողջականության նկատմամբ։ Նա  նշեց՝  Ալիևը փորձում է հասկացնել, որ նույնիսկ Արցախի միջազգային ճանաչումը    արգելք   չի   լինի  Ադրբեջանի այսօրվա իշխանությունների համար   այսպիսի  ագրեսիվ քաղաքականություն վարելու համար։ «Կա՞   արդյոք  երաշխիք, որ ղարաբաղյան հակամարտությունում զիջումների դեպքում Արցախը կդադարեցնի իր ագրեսիվ քաղաքականությունը։ Ալիևի հայտարարությունը ցույց է տալիս, որ  ո՛չ, որևէ երաշխիք չկա»,– ասաց  Տարոն  Հովհաննիսյանը։ Նա ընդգծեց՝ Ալիևի ագրեսիվ հայտարարությանը պետք է իրենց գնահատականը տան նաև ԵԱՀԿ Մինսկի խմբի համանախագահ երկրները, քանի որ Ադրբեջանի նախագահն ակնհայտորեն ագրեսիա է ցուցաբերում  ՀՀ միջազգայնորեն ճանաչված տարածքային ամբողջականության նկատմամբ: Պետք է շեշտոլ, որ Թյուրքական խորհրդի  անդամ  Ղազախստանն ու Ղրղըզստանը,  ստացվում է՝ և՛ Հայաստանի, և՛ Ադրբեջանի դաշնակիցներն են։  Այս  երկրները Հայաստանի դաշնակիցներն են ՀԱՊԿ-ի և Եվրասիական տնտեսական միության շրջանակներում, սակայն այդ երկրների ներկայացուցիչները համաժողովի ընթացքում ի շահ Հայաստանի ու Արցախի  կամ  հանուն արդարության՝ ոչ մի  նախադասություն չեն ասել։ Ի դեպ, վերոնշյալ համաժողովի ընթացքում  Ալիևը  նաև հայտարարել է, թե «ադրբեջանական տարածքներում» Հայաստանը «ոչնչացնում է մզկիթները», և այդ պատճառով Հայաստանը չի կարող համարվել իսլամական աշխարհի բարեկամ։ Այս ծիծաղելի հայտարությանը, հակադրվել, թերևս, նույնիսկ չարժե․ կարելի է  ընդամենը   երկու   փաստ նշել․ Երևանի կենտրոնում  է  գտնվում  Կապույթ մզկիթը, որը կառուցվել է 18-րդ դարում և կանգուն է մինչ օրս,  որտեղ ամեն օր այցելում են  բազմաթիվ մահմեդականներ ու զբոսաշրջիկներ, բացի այդ՝ Հայաստանը սերտ ու բարեկամական հարաբերություններ ունի մահմեդականություն դավանող բազմաթիվ երկրների ու  ժողովուրդների հետ՝ վկա  հայ- իրանական  բարեկամական  ջերմ հարաբերությունները։