«Արդեն մեկ տարուց ավելի Եվրասիական տնտեսական հանձնաժողովն ու կոլեգիան արձանագրել են, որ ԵԱՏՄ տարածքում կան 60-ից ավելի արգելքներ, որոնք խոչընդոտում են ինտեգրացիոն պրոցեսներին։ Դրանք վերաբերում են օրենսդրությանը, կարգավորումներին, այսինքն` դրանք՝ ԵԱՏՄ ընդհանուր տրամաբանության մեջ պետք է գոյություն չունենային, բայց շարունակում են գոյություն ունենալ»,-այս մասին այսօր ԱԺ-ում հայտարարել է ՀՀ վարչապետ Նիկոլ Փաշինյանը։
Նա նշել է, որ ԵԱՏՄ-ն ունի 4 ազատ տեղաշարժեր՝ աշխատուժի, կապիտալի, ապրանքների և մարդկանց։
«Հենց ԵԱՏՄ մարմիններին են արձանագրում, որ այս խնդիրները լիարժեք ձևով լուծված չեն և ահա այդ 60 խոչընդոտներն ու արգելքները ներգրավված են մեր համատեղ աշխատանքի օրակարգում են»,-ասաց Փաշինյանն ու ավելացրեց, որ հնարավոր չէ այդ 60 խոչընդոտները միանգամից վերացնել, քանի որ խոսքը գնում է տարբեր երկրների օրենսդրությունները նույնականացնելու մասին։
Անդրադառնալով Վլադիմիր Պուտինի հետ իր երեկվա հանդիպմանը՝ Փաշինյանն ասաց, որ երկուստեք արձանագրվել են հարաբերությունների ռազմավարական բնույթը և արձանագրել, որ երկու երկրների կառավարություններն ու պետական կառավարման մարմինները պետք է ավելի սերտ համագործակցեն։
00:00:00
