Երեքշաբթի առավոտյան Ղրիմում «Տավրիդա» ավտոճանապարհին 2 մեքենաների բախման հետեւանքով 3 մարդ է զոհվել, եւս 5-ը վիրավոր է՝ ասվում է Ղրիմի ՆԳՆ-ի տարածած հաղորդագրության մեջ:
«Հոկտեմբերի 1-ին Մոսկվայի ժամանակով ժամը 08:40-ին Պրիմորսկեո շրջանում՝ «Տավրիդա» ավտոճանապարհին (76-րդ կմ), ճանապարհատրանսպորտային պատահար է տեղի ունեցել Lada Priora եւ Kia Optima մեքենաների մասնակցությամբ, ՃՏՊ-ի հետեւանքով 3 մարդ է զոհվել, 5-ը վիրավոր է»,- ասվում է հաղորդագրության մեջ:
Նախնական տեղեկությունների համաձայն՝ Lada Priora-ի վարորդը դուրս է եկել հանդիպակաց երթեւեկության գոտի եւ բախվել Kia Optima-ի հետ: Դեպքի վայրում աշխատում են ՌԴ ՆԳՆ պետավտոտեսչության աշխատակիցները, դեպքի հանգամանքները պարզվում են:
Բոլոր զոհերը գտնվել են Lada Priora մեքենայում:
KIA Optima-ն գրանցված է եղել Հայաստանում՝ ՏԱՍՍ-ին հայտնել է իրավապահ կառույցների աղբյուրը:
00:00:00
