Անշարժ գույքի կառավարման պետական կոմիտեի նախագահ Նարեկ Բաբայանն այսօր խորհրդարանում լրագրողների հետ զրույցում անդրադարձավ «Հայփոստ» ընկերության՝ մասնավորեցման ցանկից հանելու մասին կառավարության ներկայացրած օրենքի նախագծին:
Բաբայանը նշեց՝ նպատակահարմար են գտել իրականացնել նոր մրցույթ, սակայն դա որևէ կերպ կապված չէ ներկայիս կառավարիչների գործունեության հետ:
«Ես խնդիրների մասին հիմա որևէ բան չեմ կարող ասել: Մասնավորեցման ցանկից հանելը կամ չհանելը որևէ կերպ չի առնչվում Էդուարդո Էռնեկյանին կամ ներկայիս կառավարիչներին: Բանն այն է, որ նպատակահարմար է գտնվել պահպանել փաթեթը պետության ձեռքում և իրականացնել հետագայում նոր մրցույթ, որին ենթադրաբար կմասնակցեն ներկայիս կառավարիչները և հնարավորության, ցանկության դեպքում՝ նաև նոր օպերատորներ»,- ասաց Բաբայանը՝ նշելով՝ կառավարչի հետ պայմանագիրն արդեն իսկ ավարտվել է, երկարացվել է ևս մեկ տարով, որպեսզի վերոնշյալ գործընթացը նախապատրաստվի:
00:00:00
